AUPS MULLERIA

മനുഷ്യന്റെയും ഭൂമിയിലെ സർവ ജൈവ വൈവിധ്യങ്ങളുടെയും നിലനിൽപിന് തന്നെ അത്യന്താപേക്ഷിതമായതും നാടിൻറെ സർവ പുരോഗതിക്കും അടിസ്ഥാനമായതുമായ നമ്മുടെ പുഴകളെ സംരക്ഷിക്കേണ്ടത് നാം ഓരോരുത്തരുടെയും  ഉത്തരവാദിത്യമാണെന്നു ബോധവല്കരിക്കുവാൻ മുള്ളേരിയ എ  യു പി സ്കൂളിലെ "സീഡ് ' കുട്ടികൾ  കാറഡുക്ക അടുക്കത്തൊട്ടിയിലെ പയസ്വിനി പുഴക്കരയിലെത്തി .പുഴയെ സംരക്ഷിച്ചുനിർത്തുന്നത് അതിന്റെ അടിയിലെ മണൽ പരപ്പാണ്. അതാണ്  യാതൊരുവിധ നിയന്ത്രണവും ഇല്ലാതെ മണൽ മാഫിയകൾ കോരിയെടുക്കുന്നത് .അതുമൂലം വെള്ളത്തിലെ ജീവിവർഗമടക്കം പലതും നശിക്കുന്നു . കാർഷിക മേഖലയെ തകർക്കുന്നു.പ്ലാസ്റ്റിക്കടക്കമുള്ള ഖരമാലിന്യങ്ങൾ പുഴയിലേക്ക്  വലിച്ചെറിയുന്നു .കാസറഗോഡ് നഗരം മുഴുവൻ കുടിവെള്ളം എത്തിക്കുന്ന ബാവിക്കരയിലെ പദ്ധതിയടക്കം മലിനമാകുവാൻ ഇതിടയാക്കുന്നു .

പയസ്വിനി പുഴ മാലിന്യമുക്തമാക്കി സംരക്ഷിക്കുവാനും മണൽ വാരുന്നത് തടയുവാനും തീരങ്ങൾ കൈയേറുന്നതു എതിർക്കുവാനും  ജാഗരൂകരാവുന്നതിനു കടുമനയിലെയും  അടുക്കത്തൊട്ടിയിലെയും ക്ലബ്ബ്കളുടെയും നാട്ടുകാരുടെയും സഹായം ഉറപ്പുവരുത്തിയാണ് കുട്ടികൾ  പുഴക്കരയിൽ നിന്നും മടങ്ങിയത് .

പി ടി എ പ്രസിഡന്റ് ശ്രീ.കേശവ മണിയാണി ,സീഡ് കോ ഓർഡിനേറ്റർ എം സാവിത്രി ടീച്ചർ ,റിപ്പോർട്ടർ അഞ്ജലി ബാബുവും  ഇരുപതു കുട്ടികളും പങ്കെടുത്തു .